UHØRT har hatt ein ganske tøff vår. Vi har hatt få moglegheiter til å vise oss fram. Dette har ført til at vi har hatt lite å øve til. Øvingane har difor gått med til å diskutere korleis vi kan rekruttere nye medlem til vokalgruppa, og det har dessverre ikkje blitt så mykje song og dans som vi eigentleg ønsker. 

Vi har også brukt våren til å lage ein plan for ting vi skal gjere hausten 2022 og våren 2023. Vi håper at det å ha noko å jobbe mot, vil føre til at det blir enklare og artigare å vere med/begynne i UHØRT. 

Planen er at når vi startar opp att i august vil vi fortsette med planlegging av rekruttering ut august. Så i begynnelsenav september vil vi opne for at nye medlem kan bli med, og vi vil starte opp eit prosjekt. Dette gjer vi i håp om at det blir enklare å vere ny i UHØRT, dersom vi jobbar med noko som er nytt for alle. Vi håpar på at det er mange som har lyst å vere med, og at vi blir mange nok til å lage ei super førestilling! Denne førestillinga er vi bestemt på å gjennomføre uansett korleis det går med rekrutteringa. Førestillinga vil bli heldt 19.mars 2023. 

Samtidig som vi held på med dette prosjektet, skal vi også ha ein julekonsert. Jubileumskonserten som eigentleg skulle vere i romjula 2021, skal etter planen bli i romjula 2022. Dette vil seie at vi har kalenderen full frå hausten 2022 til våren 2023.  

Vi kryssar fingrane for at alt går etter planen, og at UHØRT har ein fin haust i møte. Eg håper alle får ein fin sommar med fint vær og koser seg masse. Gleder meg til å sjå dokke til hausten! 

God Sommar!